Paniti Laksono

Kumenyar mawa prabawa, sumirat ambabar tejamaya, saya dangu saya cetha, saya caket saya ngalela, lah punika ta tejaning risang pinanganten kakung pun Bagus ……………( nama pengantin pria ) ingkang binayang kare mijil saking wisma palereman, kinanthi manjing sasana pawiwahan. Gumebyar busananing putra penganten kakung, hangagem busana ingkang tinaretes berang sotya, ngagem kuluk kanigara, hangemba busananing nata, lamun kadulu katon agung, mrabu, miwah mrabawa. Agung  ateges kebak ing kaendahan kang sanyata adi luhung.  Mrabu  ateges pindha jejering narendra kebekan ing kawibawan luhur, dene  mrabawa  ateges sinung prabawa adi endah milangoni. Dhampyak-dhampyak para kadang wandawa ingkang samya hangayap tindak ira putra penganten kakung. Pinangantyan kakung nggennya lumaksana lengkeh-lengkeh pindha singa lupa, riak hanggajah ngoling, sapecak mangu satindak kendel, semu hangungun mulat endah edining swasana ingkang hangrenggani tawinging wiwara. Wus handungkap unggyan...

Mabukuh yayah prayitneng kewuh lah punika ta warnanira ingkang ndaweg hanawung kridha, ana satriya kekalih/sakembaran kang busana sarwa prasaja, dedege pideksa, tindake susila anorraga. Sanadyan kathah priya ingkang bebasan sacathok gumbalane sakelut rerawise, ingkang wredha mboten kirang ingkang mudha tumaruna sakalangkung kathah, parandene mboten wonten ingkang piniji ing karya minangka sang duta pamethuk, kajawi panjenenganipun Bapa …..  (orang tua pengantin putri)  saha Bapa  (orang tua pengantin putra) . Dhasar kekalihipun satuhu priya ingkang sampun lebda ing karya, katitik wonten madyaning bebrayan agung kekalihipun sampun nate dados tetuwangganing para warga. Katitik saking solah bawa, ebahing sarira, liringing netra, tumapaking pada ngidak wirama, kapracihna kekalihipun satuhu lebda ing budaya, mila pantes minangka risang duta pamethuk. Dupi prapta wonten ngarsaning ingkang hamengku gati, sigra nyuwun tambahing pangestu murih anggenipun hamethuk putra calon penga...

Binarung swaraning pradangga hangrangin hambabar Ketawang Puspawarna/Sekarteja, ana ganda arum hangambar katiyubing samirana manda, lah punika ta jejuwitaning pahargyan ing siang/dalu punika, putra putrinipun Bapa/Ibu …………….. ingkang sesilih Rara ………… Mijil saking sasana tepas wangi ngagem busana penganten putri, hingayap ginarubyug para sesepuh, manjing jroning sasana rinengga badhe kabiwadha. Dhasar sulistyeng wami, tur nedheng-nedhenge besus ngadisarira tuwin ngadibusana, kathik kabiwadha kedah mangagem busana satataning putrining kraton, pramila boten mokal kalamun kathah ingkang sami tambuh. Lampah ruruh hangujiwat, semu daya-daya enggal dumugiya papan palenggahan. Sumengkaning raos wagewage ndang kliwona, gage-gage ndang temua. Sri penganten putri hangagem busana ingkang sarwa retna, hangemba busananing Rajaputri, katon pating galebyar pating pancurat lamun kasorot sunaring pandam kurung ingkang hangrenggani sasana  adi , pan yayah kartika hasilih prenah. Gegelung malang rine...

Dumateng poro kadang wiranem sedoyo ingkang kulo tresnani . Ngengeti wonten ing Pedukuhan Tegaldowo Grujugan Bantul , tokoh ingkang linangkung pono babagan toto boso wawan pangandikan boso jawi nun injih panjenenganipun Bapak Saderi sampun katimbalan sowan wonten ngarso Pangeran . Kanti meniko , wonten ing wulan kawuri panjenenganipun Bapak Lurah Bantul nun injih Bapak Supriyadi , paring dawuh dumateng panjenenganipun Bapak Sastro supados mandapaken pangertosanipun babagan totoboso wawan pangandikan boso jawi dumateng poro kadang wiranem wonten ing Pedukuhan Tegaldowo Grujugan Bantul .  Wondene ingkang dados panjurungipun , nun injih : ingkang ongko sepisan , supados poro kadang wiranem kerso nguri-uri boso jawi , ingkang dados warisanipun simbah-simbah kulo panjenengan sedoyo , ampun ngantos tiyang jawi mboten saget boso jawi . Ingkang ongko kalih , mbokbilih sawijining warga gadah wigati , wonten ingkang saget majeng wawan pangandikan . Ingkang ongko tigo , kagem ngangkat lingkun...

Assalamu'alaikum Wr. Wb. Inggih kepareng matur dumateng panjenenganipun ... (ingkang kagungan dalem) . Sakderengipun , kulo tansah mawantu-wantu mbokbilih atur kulo ing semangke kathah kalepatan , saestu kulo nyuwun pangapunten . Kulo marak sowan mriki , amargi mundi dawuh saking panjenenganipun ... (ingkang kagungan hajat) . Nun injih , panjenengan kasuwun rawuh wonten ing dalemipun ... (ingkang kagungan hajat) , saperlu pilenggahan soho maos waosan kalimah toyibah , dzikir , lan tahlil . Dene wekadalipun , benjang dinten ... wanci tabuh ... dene wigatinipun badhe mengeti sewu dintenipun ... / badhe molokramekaken putranipun . Mekaten ingkang dados atur kulo , mbokbilih wonten kalepatan , saestu kulo punyuwun pangapunten . Saking kulo ,  Wassalamu'alaikum Wr. Wb.

Assalamu'alaikum Wr. Wb. Nyuwun pangapunten , ing mriki kulo badhe matur ingkang ongko kalih . Dene adicoro pepanggihan wonten ing wekdal puniko sampun pinanggih cekap kanti nir ing sambekolo , kanti raos syukur monggo maos tahmid sesarengan .. Alhamdullihirobbil'alamin .  Ingkang saklajengipun adicoro wonten ing wekdal puniko sampun paripurno , mbokbilih poro lenggah sedoyo tasih badhe ngersakaken wawan pangandikan , panjenenganipun .. (ingkang kagungan dalem) badhe nanggapi sakcekapipun . Nanging mbokbilih poro lenggah badhe ngersakaken kundur , panjenenganipun ... (ingkang kagungan dalem) namung saget nderekaken sugeng kundur , rahayu ingkang sami pinanggih . Mekaten ingkang dados atur kulo . Mbokbilih wonten kalepatan , saestu kulo nyuwun pangapunten . Wassalamu'alaikum Wr. Wb.