Dumateng poro kadang wiranem sedoyo ingkang kulo tresnani . Ngengeti wonten ing Pedukuhan Tegaldowo Grujugan Bantul , tokoh ingkang linangkung pono babagan toto boso wawan pangandikan boso jawi nun injih panjenenganipun Bapak Saderi sampun katimbalan sowan wonten ngarso Pangeran . Kanti meniko , wonten ing wulan kawuri panjenenganipun Bapak Lurah Bantul nun injih Bapak Supriyadi , paring dawuh dumateng panjenenganipun Bapak Sastro supados mandapaken pangertosanipun babagan totoboso wawan pangandikan boso jawi dumateng poro kadang wiranem wonten ing Pedukuhan Tegaldowo Grujugan Bantul .
Wondene ingkang dados panjurungipun , nun injih : ingkang ongko sepisan , supados poro kadang wiranem kerso nguri-uri boso jawi , ingkang dados warisanipun simbah-simbah kulo panjenengan sedoyo , ampun ngantos tiyang jawi mboten saget boso jawi . Ingkang ongko kalih , mbokbilih sawijining warga gadah wigati , wonten ingkang saget majeng wawan pangandikan . Ingkang ongko tigo , kagem ngangkat lingkungan , mugio kanthi kulo panjenengan sedoyo sesarengan anggenipun sinau toto boso boso jawi , Pedukan Tegaldowo Grujugan Bantul saget kondang babagan totobosonipun .
Ingkang saklajengipun , wonten dinten kawuri , kulo mundi dawuh supados sesarengan sinau kalian poro kadang wiranem . Dados ing mriki saestu kulo namung sesarengan kalian poro kadang wiranem anggenipun sinau toto boso wawan pangandikan boso jawi . Dados mboten ngajari nggeh , namung sareng-sareng sinau . Amargi kulo nggeh rumaos tasih kirang seserapanipun soho pangertosanipun . Ananging dinten kawuri , kulo dipun suwun kalian mas Abi supados damel naskah kagem sinau . Mestinipun naskah meniko tasih kathah kalepatanipun lan kekiranganipun , monggo dipun rembag sesarengan supados linangkung sae .
Ingkang nyerat,
Triyanto Syifa
WA 089672148056