Kulo tampi aturipun saking panjenenganipun ... (ingkang atur pangandikan sinom) .
Assalamu'alaikum Wr. Wb.
Dumateng sesepuh soho pinisepuh ingkang pono ing pamawas
Dumateng panjenenganipun ... (Bapak Dukuh / Bapak RT / Ketua Pemuda) ingkang tansah kinurmatan
Dumateng poro rencang mudo soho mudi , sumrambahipun poro lenggah sedoyo ingkang kulo tresnani .
Sakderengipun kulo nyuwun pangapunten , amargi kulo ing mriki kumowantun matur dumateng panjenengan sedoyo , jalaran kulo ing mriki minongko sulih saliro , saking panjenenganipun ... (ingkang kagungan dalem) . Ananging mbokbilih atur kulo semangke wonten kalepatan , saestu kulo nyuwun pangapunten .
Dumateng poro lenggah sedoyo ingkang kulo tresnani. Monggo tansah kulo derekaken ngaturaken pujo puji syukur dumateng Gusti ingkang moho Asih , ingkang sampun paring sih nugroho dumateng kulo panjenengan sedoyo , ingkang satemah wonten ing wekdal puniko , kulo panjenengan sedoyo saget nyawiji wonten ing papan mriki , saperlu pepanggihan ...(Karangtaruna Muda Mudi) wonten ing dalemipun ... (ingkang kagungan dalem) .
Dumateng poro lenggah sedoyo ingkang kulo tresnani . Ing mriki , panjenenganipun ... (ingkang kagungan dalem) ngaturaken sugeng rawuh soho sugeng pambagyo dumateng poro lenggah sedoyo . Awit karawuhan panjenengan sodoyo , panjenenganipun ... (ingkang kagungan dalem) , ngaturaken agunging panuwun . Ingkang saklajengipun , panjenenganipun .. (ingkang kagungan dalem) mbokbilih , anggenipun nanggapi rawuhipun panjenengan wonten kalepatan , saestu panjenenganipun ... (ingkang kagungan dalem) nyuwun agunging pangapunten . Ingkang saklajengipun , meniko saking suko bingahipun panjenenganipun .. (ingkang kagungan dalem) wonten ing ngarso panjenengan sedoyo sampun sumadyo unjukan soho daharan , panyuwinipun ... (ingkang kagungan dalem) , panjenengan sedoyo dipun aturi angrahapi . Ananging sakederengipun , monggo maos doa sesarengan kulo derekaken . Bismillahirrahmaniirahim .......
Mekaten ingkang dados atur kulo , mbokbilih wonten kalepatan , saestu kulo nyuwun pangapunten .
Wassalamu'alaikum Wr. Wb.